Share انشر الموضوع على الفيس بوك
الممثلة جيهان فاضل عن ضباط الجيش الذين انضموا للثوار في اعتصام التحرير في الجمعة 8 أبريل.
كتبت جيهان على صفحتها الشخصية بالموقع الاجتماعي الشهير FaceBook: "أقر وأعترف أني مذنبة بجرم التعاطف مع ضباط الجيش اللي وقفوا مع المتظاهرين يوم الجمعة".
وتابعت: وأقر وأعترف أني حزينة على الأتنين ضباط اللي ماتوا و محدش أترحم عليهم، واللي مقبوض عليهم واحتمال يتعدموا، قلبى بيتقطع عليهم وأكيد أنا طبعا غلطانة، لأن الناس كلها شايفاه أنهم يستاهلوا اللى جرالهم، وحاولت بشدة أني أقنع نفسي أن رأي الناس هو اللي صح، ومش من حق ضابط فى الجيش أنه يقف مع الثوار و يؤيد مطالبهم، فالضابط مفروض يبقى زلطة، لا يحس ولا يفكر، ينفذ الأوامر وبس.
وأضافت جيهان: حد قال لي الضابط مينفعش يتمرد على قيادته، لأننا لو فى حرب تبقى كارثة، بس لقيت صوت جوايا بيقول لي "بس الفيصل فى الحرب مش بس إتباع الأوامر، لكن إيمانهم بالقضية اللي بيضحوا بحياتهم عشانها، الروح اللي بتحارب بيها هى القوة الحقيقية و عشان كده إسرائيل بجبروتها مقدرتش على المقاومة الشعبية فى لبنان".
واستطردت كاتبة: "أنا موافقة أن اللي عملوه ده جنان، لكن كمان اللي أحنا عملناه يوم جمعة الغضب كان جنان، ولو فيه ناس بتطالب بإعدامهم كمان كان فيه ناس بتطالب بحرقنا في ميدان التحرير!".
وتابعت: أنا يمكن معلوماتى عن الجيش ضعيفة، لكن بأنهي منطق أتعامل مع مبارك "عدو الثورة الأول" بكل الحنية دي وفى نفس الوقت أبقى قاسية للدرجة دي مع ضباط جريمتهم الوحيدة أنهم بيطالبوا بمطالبنا، الناس بتهلل "الجيش و الشعب أيد واحدة"، بذمتكم مطاوعكم قلبكم تقولوا خليهم يحلوا مشاكلهم بعيد عننا، ليه هما مش مننا؟ مش دول اللى قلنا عليهم أخواتنا و أهلنا؟!.
وكان عدد من ضباط الجيش انضموا لمعتصمي التحرير في جمعة "التطهير"مطالبين بسرعة محاكمة الرئيس السابق محمد حسني مبارك وأعوانه، مما أثار ضيق المجلس العسكري واعتبرهم خارجين عن الأوامر.
من فضلك انضم لصفحتنا الجديده على الفيس بوك ↓↓
